Белгілі кәсіпкер Қайрат Боранбаев ұсталды

0
1175
Анонимді дереккөздің мәлімдемелеріне сәйкес, кәсіпкер қамауға алынды, деп хабарлайды Kznews.kz жаңалықтар порталы orda.kz сайтына сілтеме жасай отырып.

Кәсіпкер Алматыдағы қаржы мониторингі агенттігінің ғимаратына әкелінді.

Дариға Назарбаеваның құдасы Қайрат Боранбаев Молдованың Ұйымдасқан қылмысқа және аса маңызды істерге қарсы күрес прокуратурасына жауап беруге келмеген.

Бірақ ол Алматы облысының Іле-Алатау ұлттық саябағындағы «Аюсай» орталығына барған. Ол гидтер мен күзетшілердің көмегімен ғимаратты аралап шықты.

«Боранбаевты Алматыда Қаржы мониторингі агенттігінің (ҚҚА) қызметкерлері ұстады. Оның ісіне қатысты Алматы департаменті емес, Астанадағы Қаржы мониторингі агенттігінің бас кеңсесінің адамдары жұмыс істеп жатыр. Қазір Боранбаев уақытша ұстау изоляторына қамалды. Жақын күндері Алматыда тергеу жұмыстары өткізіледі», – делінген ашық ақпарат көздерінде.

Алайда журналистерді көрген ол тез жасырынып қалды. Orda.kz тілшісі Қазақстандағы McDonald’s фастфуд желісінің иесін суретке түсіріп үлгерді.

Соңғы қазақстандық Forbes рейтингінде Боранбаев 590 миллион доллар байлығымен 14-орынға тұрақтады.

Еске салайық, Қайрат Боранбаев – Қазақстан ұлттық паралимпиада комитетінің басшысы, «Қайрат» ФК бақылау кеңесінің төрағасы және түрлі бизнестің иесі болып табылатын ірі кәсіпкер.

Боранбаев Нұрсұлтан Назарбаевтың отбасымен туысқан. Қайрат Боранбаев – Қазақстанның экс-президенті Нұрсұлтан Назарбаевтың үлкен қызы Дариға Назарбаеваның құдасы. Боранбаевтың қызы Әлима 2013 жылы Дариға Назарбаеваның ортаншы ұлы Айсұлтан Назарбаевқа күйеуге шықты. Айсұлтан 2020 жылы тамызда Лондонда қайтыс болды. Британдық БАҚ-тың хабарлауынша, өлімге кокаин себеп болған.

Айта кетейік, бір күн бұрын елден шықпақ болған кезде Назарбаевтың немере інісі Қайрат Сатыбалды ұсталған болатын.

(Фото http://Inbusiness.kz сайтынан алынды)