Белгілі актер Армен Джигарханян қайтыс болды

0

КСРО халық әртісі Армен Джигарханян сенбіге қараған түні 86 жасында соңғы сапарға аттанды, деп хабарлайды KzNews ақпарат агенттігі.

«Бүгін түнде қайғылы жаңалық келді. Көрнекті әртіс, көшбасшы, өз есімімен аталатын театр жетекшісі Армен Борисович Джигарханян қайтыс болды», — деді агенттікке сұхбат берген адам.

Армен Джигарханян — актер, театр режиссері. Ол «Здравствуйте, я ваша тетя!», «Место встречи изменить нельзя», «Собака на сене», «Ширли-мырли» және басқа да картиналарда ойнаған.

Джигарханян 1996 жылдан бастап Мәскеу драма театрының директоры. Театр репертуарында әйгілі «Дон Жуан», «Ромео мен Джульетта», «Мың бір түн», «Ревизор», «Үш апалы-сіңлілі» және басқа да шығармалардың негізіндегі қойылымдар бар.