Бекер болды. Қырғызстанның үш экс-президенті неге өкінеді

Қырғызстанның бұрынғы президенті Алмазбек Атамбаевтың Аксый оқиғасының 17-жылдығына орай өткен митинг-реквиемде сөйлеген сөзі елді дүрліктірді, деп жазады қырғыздың Кактус сайты.

Бұрынғы мемлекет басшысы сөзін түйіндей келе, қазіргі президент Сооронбай Жээнбековті билікке әкелгеніне өкініш білдірді.

Кезінде осыған ұқсас ойларын Асқар Ақаев та, Құрманбек Бакиев те білдірген болатын, дейді басылым.

Асқар Ақаев 2012 жылы «Азаттыққа» берген сұхбатында «Бакиевті билікке әкелгеніме өкінемін» десе, 2015 жылы елден қашқан экс-президент Бакиев Минскіде таныстырған өз кітабында «Менің басты қателігім – Атамбаевты жұмысқа алғаным» деген болатын.

Ал Атамбаев соңғы мәлімдемесінде: «Осындай адамды (Сооронбай Жээнбеков) билікке әкелгенім үшін кешірім сұраймын. Мен бәрін түзетемін», деді.

17 наурызда экс-президент Алмазбек Атамбаев өз сөзінде «айыппұлдар мен салықтарды көтеру арқылы мемлекеттік бюджетті толтыруға болмайды. Оның орнына ұрыларды жауапқа тарту керек», деген болатын.

Telegram арнасындағы маңызды жаңалықтар «zakon.kz». Жазылу!