Бейсенбі күні республикалық ата-аналар жиналысы өтеді
Қысқа сілтеме алу
1 сәуірде бүкіл оқушы сынама сабаққа қатысады, ал 3 сәуірде елімізде сынып сағаттары өтеді. Ол жерде балаларға қажетті ақпарат беріледі
НҰР-СҰЛТАН, 31 наурыз – Sputnik. Бейсенбі, 2 сәуірде республикалық ата-аналар жиналысы өтеді. Бұл туралы білім және ғылым министрі Асхат Аймағамбетов мәлімдеді, деп хабарлайды Sputnik Қазақстан тілшісі.
«Бейсенбі күні республика бойынша ата-аналар жиналысы өтеді. Онда біз ата-аналарға қашықтан оқыту жүйесіне қалай қосылу керек екенін және ол қалай жүргізілетінін түсіндіреміз», — деді Аймағамбетов онлайн брифингте.
3 сәуір, жұма күні елімізде сынып сағаттары өтеді. Ол жерде де балаларға қажетті ақпарат беріледі.
Ал ертең, 1 сәуірде бүкіл оқушы үшін сынама сабақ өткізіледі.
Оқи отырыңыз: Министр 300 мың оқушыны компьютермен қалай қамтамасыз ететінін айтты
Министрдің айтуынша, бұл үш шараның мақсаты – 6 сәуірде басталатын қашықтан оқыту форматына дайындық.
sputniknews.kz