Бейсен Құранбек туралы естеліктер кітап болып шықты

0

«Біздің Бейсен» атты Бейсен Құранбек туралы естеліктер кітабы баспадан шықты. Бұл туралы Есболат АЙДАБОСЫН өзінің парақшасында жазды.

Есболат АЙДАБОСЫН: «Біздің Бейсен» баспаханадан шығып, Талдыға келе жатыр. Кітап «Ел-шежіре» баспасынан 1000 данамен шықты. Баспаның басшысы Дәулет Әшімхан жартысын тегін шығарып, үлкен азаматтық танытты.

Жинаққа екі президенттің көңіл айтуынан бастап ел ағаларының естелігі, замандастарының толғаныстары,қарапайым көрермендердің ықыласы топтастырылды. Бейсекең кеткелі жазылған әрбір жазбаны алуға тырыстық.

Барлығы 170 тей естелік пен 90 ға тарта арнау өлеңі бізге жеткен екен, алаламай, көркемдік қуатын сараламай түгел енгіздік. Секең, Досекең үшеуміз отырып «кітап құрастырамыз» деп шешім қабылдап, іске кіріскенде көп адам тілеулес болды, бір жағымыздан шығысып жәрдемдесті. Солардың бәріне Бейсен Құранбектің отбасы атынан, бауырлары атынан, дос-жаран, әріптестері атынан алғыс айтамыз!

Әсіресе талдықорғандық Ришад Тұрғанбай бауырыма, сонау Семейдегі Арай Жүндібаева, Алматыдағы Ақжелең Рахаддин, астаналық Жансая Шыңғысхан қарындастарыма рахмет! Редакторлық, корректорлық сүзгіден өткізуге атсалысқан Зәуреш Карбозқызы мен Жұлдыз Әбділдәға, кітапты безендірген Жәмила Айдосқызына да мың алғыс! Аман болыңыздар! Құдай жолдарыңызды оңғарсын! Айтпақшы кітап мұқабасының дизайнын Бейсекеңнің қызы Іңкәр жасады.