Бауыржан Байбектің орынбасары Еуропаға жол тартты – дереккөз

Алматының экс-әкімі Бауыржан Байбектің орынбасары Ерлан Әукенов әуежайда жүргені белгілі болды. Журналист Михаил Козачковтың хабарлауынша, ол Еуропаға жол тартқан.

Бұл туралы kznews.kz сайты orda.kz порталына сілтеме жасап хабарлайды.

«Біздің де өзіміздің «босқындарымыз» бар. Алматы қаласы әкімінің бұрынғы орынбасары, Бауыржан Байбек тұсында мегаполисте жұмыс істеген Ерлан Әукенов жаңа Астана әуежайына тіркелді. Оның саяхаттауға ешқандай шектеуі жоқ, Еуропаға ұшпақшы. Олжас Абайұлы, онда сізге халықаралық іздеу жариялаудың, Интерпол арқылы іздеудің қажеті жоқ па?», – делінген жазбада.