«Батысқа кеттік пе, ағайын?»: Қызды ақ кілемге салып ұзатқан видео жұртты таңғалдырды

0
2242

Әлеуметтік желіде ер азаматтардың аруды ақ кілемге отырғызып ұзатып бара жатқан видеосы қызу талқыға түсті. Көпшілік бұрын-соңды мұндайды көрмегенін айтып жатыр, деп хабарлайды KzNews ақпарат агенттігі.

Видеоны бөліскен Instagram желісінің svadba_kazzz парақшасы аталған тойдың еліміздің батыс бөлігінде болғанын жазған.

 «Дереу батысқа барамыз ба, не істейміз, ағайын? Біз көрмеген қанша салт бар сіздерде өзі?» – деп жазған видеомен бөлісушілер.

 

Посмотреть эту публикацию в Instagram

 

Публикация от ҚАЗАҚТЫҢ ТОЙЫ БІТПЕСІН🍒 (@svadba_kazzz)

Желі қолданушыларының дені батыста мұндай салт жоқтығын жарыса жазуда.

«Мәссаған! Мынау бір қызық салт екен. Бірақ өтірік сияқты», «Ондай салт жоқ қой батыста», «Өмірімде батыста мұндай салт көрмедім», «Бұл қайдан шыққан салт тағы» деп жазды желідегілер.

Арасында керісінше кең тараған салт екенін жазғандар да табылды.

«Ноғайлықтар болу керек, ақ киізге тектілігін сақтап, үйінен ұзатады», «Қыз ұзатып жатыр. Кілемді тек ағалары көтереді», – деп жазған өзге пікір қалдырушылар. Бұл салтты бірі ұнатса, енді бірі сын-пікірін жаудырған. «Ақ киізге отырғызып, хан көтереді» деген бар еді, мынасын білмедім» деп болжады олар.