Батыс Қазақстанда 15 жасар қыз неге күйеуге шыққаны белгілі болды

0
13900
Advertisement

Қалыңдық қара түсті паранжа киіп, бетін бүркемелеп, туған-туыстарымен байланысты үзуге тырысқан.

Батыс Қазақстан облысында ер адам 15 жасар қызға үйленді. Неке ресми түрде тіркелмеген.

Бұған дейін, 16 қыркүйекте, Бөрлі ауданында жасөспірім жоғалғаны туралы хабарланған болатын. Бойжеткен Орал қаласынан табылды.

«Мән-жайды анықтау кезінде ол шариат заңымен тұрмысқа шыққаны белгілі болды. Күйеуі дәстүрлі емес дін ағымын ұстанады деген болжам жасалып отыр. Имамдар, мешіт өкілдері мен қыздың туыстары неке қиылған кезде болмаған», – деп хабарлады аудандық полиция бөлімі.

Қалыңдық қара түсті паранжа киіп, бетін бүркемелеп, туған-туыстарымен байланысты үзуге тырысқан.

Ер адам «некені» жамылып 2005 жылы туған қызбен жыныстық қатынасқа түскен, деді полицияда.

«Оның мұндай әрекеті Қылмыстық кодекстің 122-бабының 1-бөлігіне сәйкес қарастырылатын болады  (Он алты жасқа толмаған адаммен жыныстық қатынаста болу)», – делінген хабарламада.

Кінәлі деп табылса, бес жылға дейін бас бостандығы шектеліп немесе осы мерзімге бас бостандығынан айырылуы мүмкін.

sputnik.kz

Ең соңғы жаңалықтарды KzNews.KZ телеграм каналынан оқи аласыз! Телефоныңызға тікелей келетін ақпаратқа жазылыңыз. 

 
Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз