Басым бағыттар партия бақылауында

0

Жиынға партия Төрағасының бірін­ші орынбасары Мәулен Әшімбаев, Ұлт­­тық экономика министрі Тимур Сүлей­менов, Президенттің бес әлеу­мет­тік баста­ма­сының жүзе­ге асырылу бары­сын бақылау жөніндегі қоғам­дық кеңес­тің төрағасы, Сенат депу­таты Бақытжан Жұмағұлов, партия­ның Парламент Мәжілісіндегі фрак­ция­сы­ның басшы­лығы, партиялық куратор­лар және Мәжілістегі партия фракция­сы жанын­дағы консультативті-кеңес­тік орган­дардың басшылары қатысты. Одан бөлек, бұл басқосуға бейнекон­фе­­ренц байланысы арқылы барлық өңір­дің өкілдері де қосылды.

Отырысты ашқан М.Әшімбаев Мемлекет басшысының 5 қазандағы Жол­дауы еліміздің әлеуметтік жаң­ғыр­уы­ның негізін қалап, алдағы басым бағыттарды айқындап бергенін айтты. Сондай-ақ ол Елбасының жа­ла­­қыны көтеріп, шағын және орта биз­несті дамыту арқылы халықтың әл-ауқатын арттыратын кешенді шара­лар­ды анықтап бергеніне және басқа да өзекті мәселелерге назар аударды.

Партия Төрағасының бірінші орынбасары алдағы уақытта басым бағыттар бойынша жұмыстың күшейетінін айтты.

– Партия Елбасы бастамаларының сапалы әрі уақтылы жүзеге асырылуы үшін бақылау жұмыстарын үш дең­гей бойынша жүргізеді. Бірінші – рес­пуб­ликалық деңгейдегі бақылау жұ­мыс­­тарына Мәжілістегі партия де­­путаттары жауапты. Сондай-ақ Жол­дау­­ды жүзеге асырудың жалпы­ұлт­­тық жоспарына сәйкес партия­лық кура­тор­лардың және партия мен фракция жа­нындағы кеңес басшы­ларының да міндеттері анық­тал­ды. Екінші – аймақ­тық деңгей бойынша партияның мәслихаттағы депут­ат­тары, жергілікті жерлердегі партия­лық кураторлар және «Нұрлы жол», «Нұрлы жер» бағдарламаларын бақы­лау жөніндегі комиссиялар бел­сен­­­ді­лік танытуы тиіс. Ал үшінші – ауыл-аймақ деңгейіндегі бақылау жұмыс­тарына бастауыш партия ұйым­дарын жұмылдыруымыз керек, – деді М.Әшімбаев.

Сонымен қатар «Нұр Отан» партия­сы Төрағасының бірінші орынбасары Бес әлеуметтік бастаманың жүзеге асыр­ылу барысындағы кейбір мәселе­лер­ге ерекше тоқталып өтті. Алдымен ол осы бастамалар аясында шағын несие беру ісіндегі олқылықтарға назар аударды. Оның айтуынша, бүгінге дейін 13 мыңнан астам азамат шағын несие алып, жоспардың 98 пайызы орын­далған. Соның нәтижесінде 52 млрд теңге игерілген екен.

– Бұл жаман көрсеткіш емес. Деген­мен нәтижелерді сараптап қарай­тын болсақ, күрмеуі қиын мәсе­лелердің де бар екенін көреміз. Мысалы, ша­ғын несие беру бастамасы ауылдық жер­лер­де нәтижелі жүзеге асырылып жатыр. Ал қала­лық жерлердегі көрсет­кіш көңіл көншітпейді. Бүгінде қала­лық жерлер үшін жоспарланған 3 мың адамнан тек 1 мың азаматқа ғана ша­ғын несие берілген, – деді ол.

Тарқатып айтар болсақ, аталған көр­сеткіш бойынша көш соңында Аты­рау облысы тұр. Мұнайлы өлкеде қала тұрғындарының ішінен бар бол­ғаны 13 азаматқа ғана шағын не­сие берілген. Бұл жоспарлы меже­нің 23,65 пайызын құрайды. Сол сияқты Пав­лодар, Солтүстік Қазақстан, Қызылорда облыстары мен Астана қала­сында да жағдай мәз емес. Нәти­же­сінде еліміз бойынша қалалық жер­лер үшін шағын несиеге бөлінген 20,2 млрд теңгенің 62 пайызы ғана иге­ріл­ге­ні белгілі болып отыр.

Желтоқсан айының басындағы жағ­дай бойынша игерілмеген қара­жат­тың көлемі 7,7 млрд теңгені құ­рап отыр. Оның 26 пайызы «Даму» қо­рына тиесілі болса, қалған 74 пайызы екінші деңгейлі банктердің есепшо­тын­да жатыр. Осы ретте екінші дең­гейлі банктер аталған мақсатта өз­дері­не бөлінген қаражаттың 42 пайы­зын ғана игергенін атап өткен жөн. Сондай-ақ Мәулен Әшімбаев «7-20-25» бағдарламасы бойынша да ат­қарыл­ған жұмыстарға назар аударды. Оның сөзіне қарағанда, 6 желтоқсанға дейінгі дерек бойынша бағдарламаға қатысу үшін 5 мыңнан астам өтінім келіп түскен. Соның ішін­де жалпы сомасы 40 млрд тең­ге­ні құрайтын 3,5 мыңға жуық өтінім мақұлданған. Әйтсе де кейбір аймақ­тар­да жергілікті атқарушы органдар тарапынан арнайы санаттағы азаматтарға бас­тап­қы жарна үшін субсидия бөлу жұмыстары ойдағыдай жүргізілмеуде. Бұдан басқа «7-20-25» бағдарламасы бойын­ша жаңадан салынған үйлердің же­тіс­пеуі және кей аймақтардағы ақ­па­раттық-түсіндіру жұмыстарының әлсіздігі сияқты мәселелер де айтылды.

М.Әшімбаев осындай өзекті мә­се­ле­лер бола тұра, партия филиалдары мен партиялық кураторлардың үнсіз отыр­ғанын сынға алды.

Өз кезегінде Президенттің Бес әлеу­­­­меттік бастамасының жүзеге асы­­рылу барысын бақылау жөніндегі қоғам­дық кеңестің төрағасы, сенатор Бақыт Жұмағұлов атқарылған жұ­мыс­тар жөнінде баяндап берді. 

Со­нымен бірге Ұлттық экономика министрі Тимур Сүлейменов пен Пар­ла­мент Мәжілісіндегі партия фрак­ция­сы басшысының орынбасары Асқар Базар­баев сөз алып, өз тарапынан істел­­ген жұмыстарға тоқталып өтті.

Іс-шара соңында Елбасы тапсырмаларын орын­дау үшін тиянақты жұмыс істеп, сапа­лы бақылау жүр­гі­зу­ді қам­та­ма­сыз ететін бірқатар міндеттер нақтыланды.

Жақсыбай САМРАТ,

«Егемен Қазақстан»

Дереккөз: http://egemen.kz/