Бақытжан Сағынтаевтың экс-күйеу баласы делінген Бақыт Ибрагим өлі күйінде табылды
![](https://kznews.kz/wp-content/uploads/2024/03/IMG_7112.jpeg)
«Өзін-өзі өлтіруге итермелеу» бабы бойынша қылмыстық іс қозғалды, деп хабарлайды Kznews.kz inbusiness.kz сайтына сілтеме жасап.
Алматы қалалық полиция департаменті ақпаратты растады.
«Аталмыш факті бойынша «өзін-өзі өлтіруге итермелеу» бабы бойынша қылмыстық іс қозғалды. Сараптама тағайындалды. Оқиғаның мән-жайы анықталуда», – делінген хабарламада.
Бақыт Ибрагим Bank RBK қаражатын «алаяқтық жолмен жымқырды» деген күдікке ілініп, 2018 жылдың маусымында Германиядан экстрадицияланған болатын.
Айыпталған акционерді 8 жылға бас бостандығынан айырып, мүлкін де тәркілеген.
2020 жылы қарашада сотталған Бақыт Ибрагимнің жазасы 7 жылға қысқарған.
Түрмеден босап шыққанына бірнеше ай болған акционер өлі күйінде табылды.
Айта кетейік, басылымдар Бақыт Ибрагимді Бақытжан Сағынтаевтың бұрынғы күйеу баласы деп жазуда.