Бақытжан Сағынтаев жаңа қызметке кірісті
Бақытжан Сағынтаев Еуразиялық экономикалық комиссия (ЕЭК) алқасының төрағасы қызметіне кірісті, — деп хабарлайды Kznews.kz Tengrinews.kz-ке сілтеме жасап.
Комиссияның баспасөз қызметі мәліметінше, 1 ақпанда Санкт-Петербургте 25 желтоқсанда Жоғары Еуразиялық экономикалық кеңестің отырысында Еуразиялық экономикалық одақ мемлекеттерінің басшылары бекіткен Еуразиялық экономикалық комиссия алқасының жаңа құрамы жұмысқа кірісті.
«Бүгіннен бастап ЕЭК алқасының төрағасы — Қазақстан Республикасының өкілі Бақытжан Сағынтаев», — делінген хабарламада.
Еске салайық, Бақытжан Сағынтаев 2022 жылдың 1 маусымынан бастап Еуразиялық экономикалық комиссия алқасының мүшесі (министр) қызметін атқарды.
