БАҚ: Путин Трамппен атысты тоқтату туралы келіссөздерге дайын
Владимир Путин Дональд Трамппен Украинадағы атысты тоқтатуды талқылауға дайын. Бұл туралы Kznews.kz ақпарат агенттігі Reuters басылымына сілтеме жасап хабарлайды.
АҚШ-тың жаңадан сайланған президенті Дональд Трамп Владимир Путинмен жеке келіссөздер жүргізуге дайын екенін мәлімдеп, Украинадағы қақтығысты тоқтатуға қол жеткізуге ниетті. Кремль майдан шебіндегі қақтығысты тоқтатуға дайын, бірақ төрт аймақты — Донецк, Луганск, Запорожье және Херсон облыстарын бақылауды, сондай-ақ Украинаның НАТО-ға кіруден бас тартуын мойындауды талап етеді.
Ресей Украинаның солтүстігі мен оңтүстігіндегі Харьков және Николаев облыстарындағы аз аумақтардан бас тартуы мүмкін екенін айтады екі шенеунік. Ресей Президенті бұл келісім уақытша ғана болады деп күдіктенеді. Путин Батыс осылайша Украинаны қару жарақпен қамтамассыз ету үшін уақыт созуы мүмкін деп санайды.
Ресми дереккөздердің хабарлауынша, Ресей де Украинадан қауіпсіздік кепілдігін талап ете алады, қарулы күштерінің санын шектеп, орыс тілін кемсітушілікті тоқтата алады. Бұл талаптар 2022 жылғы Ыстамбұл бейбітшілік келісімінің бөлігі ретінде келісілген ережелерді көрсетеді. Сонымен қатар, басылым Кремльдің Қырым мәртебесін талқылауды жоққа шығаратынын және Украинаға ұзақ қашықтықтағы зымырандарды жеткізу бейбіт келіссөздер үдерісін қиындатады деп санайтынын атап өтті.
Еске салсақ, осыған дейін Джо Байден Ресей әскерлерінің шабуылын бәсеңдету үшін Украинаға жаяу әскерлерге қарсы миналарды жеткізуге рұқсат бергенін жазғанбыз.
