Балқаштағы өрт 6 мың гектарға дейін жетті — ТЖМ
Төтенше жағдайлар министрлігі Іле-Балқаш қорығы аумағында, аралдар мен жетуге қиын батпақты жерлерде, кіреберіс жолдары жоқ аумақтарда қамыс өртеніп жатқанын мәлімдеді, деп хабарлайды Kznews.kz.
Бұған дейін өрттің жалпы аумағы 6200 гектарды құраған болатын. Оның 6050 гектары сөндірілді, деп жазды Төтенше жағдайлар министрлігі.
«Әлеуметтік желілерде таратылатын ғарыштық мониторинг суреттері бүгінде маңызды емес. Төтенше жағдайлар департаменті мен «Іле-Балқаш» РМК-ның күштері жаяу, қолмен траншеялық құралдар мен мотопомпаларды пайдалана отырып, 6-шы тоқсанда солтүстік-батыс жағында алдын ала аумақта өрт сөндіру жұмыстары жүргізуде. Қазірге кезде 150 гектарда ғана жалын бар. Сондай-ақ, Бақана орман шаруашылығына қарасты аумақтарда өртке жол бермеу мақсатында орман шаруашылығы жерін жыртуда. Елді мекендерге қауіп төніп тұрған жоқ», — делінген хабарламада.
Бұған дейін әлеуметтік желілерде Балқашта өрт болып жатыр деген ақпарат тарағаны белгілі болған.
