Баласын жылай бергені үшін өлтірген әйелге қатысты сот үкімі шықты

0
260

Атырауда төрт айлық баласын 38 жерден пышақтаған анаға сот үкімі шықты, деп хабарлайды kznews.kz сайты Express Qazaqstan порталына сілтеме жасап.

Сот әйелді қылмысты есі дұрыс емес хәлде жасады деген шешімге келіп, оны мәжбүрлі түрде психикалық емханаға жіберді.

Атырау облысының қылмыстық істер жөніндегі мамандандырылған ауданаралық сотында безбүйрек ананың ісі екі айдан астам уақыт қаралды.

Сот отырысында 42 жастағы әйелдің паранойтты шизофрениямен ауырып, қылмыс жасаған кезде есі дұрыс болмағаны дәлелденді. Сот үкімін тыңдауға әйелдің туыстары келмей, оның күйеуі үкімді онлайн тыңдады. Әйел психиатриялық орталыққа жатқызылған.

«ҚК 99 бабының 3 бөлігімен көзделген іс-әрекетті есі дұрыс емес күйде жасағаны үшін ҚК 16 бабымен қылмыстық жауаптылықтан босатылсын. Оған мамандандырылған үлгідегі психияторлық станционарда мәжбүрлеп емдеу тағайындалсын», — деді судья Зарема Хамидуллина.

Ал туыстары әйелдің мінезі өзгергенін сәбиі қырқынан шыққаннан кейін ғана байқаған.