Home Жаңалықтар Бахрейнде қазақстандық қыздарды жезөкше болуға мәжбүрлеген

Бахрейнде қазақстандық қыздарды жезөкше болуға мәжбүрлеген

0
126

Қыздарды қонақүйде жұмыс істеуге шақырып, секс-құлдыққа салған. Олар қазір мамандандырылған оңалту орталығына жеткізілді

Бахрейнде секс-құлдықтан 21 қазақстандық әйел босатылды. Олар мамандандырылған оңалту орталығына жеткізілді, кейін елге оралады.

«Сауд Арабиясы корольдігіндегі Қазақстан елшілігі Бахрейн полициясының көмегімен 21 қазақстандық секс-құлдықтан босатылды», – деп хабарлады сыртқы істер министрлігі.

Қыздарды Бахрейнге қонақүйде жұмыс істеуге шақырған. Манамада (Бахрейн астанасы) төлқұжаттарын алып қойып, жезөкшелікпен айналысуға мәжбүрлеген. Бұған көнбеген қыздарға күш көрсетілді, деп хабарлады сыртқы істер министрлігі.

«Қазіргі уақытта күдіктілер ұсталды. Арасында Қазақстан азаматтары да бар. Тергеу жүргізіліп жатыр», – делінген ведомство ақпаратында. 

Зардап шегушілер мамандандырылған оңалту орталығына жеткізілді, кейін елге оралады.

sputniknews.kz