Азамат Сатыбалды қызметінен кетті: Мүсірепов атындағы театрдың жаңа басшысы кім

0
1138

Ғабит Мүсірепов атындағы Қазақ мемлекеттік академиялық балалар мен жасөспірімдер театрына жаңа директор тағайындалды. Бұл туралы мәдениет және спорт министрі Дәурен Абаев хабарлады, деп жазады KAZ.NUR.KZ тілшісі.

«Алматы қаласына жасаған іс-сапар барысында Ғабит Мүсірепов атындағы Қазақ мемлекеттік академиялық балалар мен жасөспірімдер театрына бардым. Театрдың жұмысымен танысып, Есеналиев Талғат Қамқабайұлын аталған мәдени нысанның директоры қызметіне тағайындадым. Бүгінге дейін осы театрдың ілгерілеп, дамуына айтарлықтай еңбек сіңіргені үшін Сұрапбаев Азамат Сатыбалдыұлына алғысымды білдіремін. Ал Талғат Қамқабайұлына алдағы жауапты қызметте сәттілік тілеймін»,

— деді Дәурен Абаев Facebook әлеуметтік желісіндегі парақшасында.