Автобустардың жүру жылдамдығы азайту ұсынылды

Қазір елдімекендерде автобустардың жүру жылдамдығы сағатына 60 шақырымнан аспауы тиіс

НҰР-СҰЛТАН,  31 мамыр — Sputnik. Ішкі істер министрлігі елдімекен ішінде автобустардың жылдамдығын сағатына 50 шақырымға дейін азайтуды ұсынды.

Ведомство Индустрия және инфрақұрылымдық даму министрлігімен бірге жол картасы жобасын әзірледі. Ескі автобустардың санын азайту көзделіп отыр. Елімізде мұндай 90 мыңнан астам көлік бар.

Тағы оқыңыз: Бір күн бойы қоғамдық көлікпен тегін жүруге болады

«Сондай-ақ, елдімекендерде автобустардың жылдамдығын сағатына 50 шықырымға дейін, ал қала сыртында 80 шақырымға дейін азайту ұсынылып отыр», — деді әкімшілік полиция комитетінің төрағасы Мақсат Байболов брифинг барысында.

Оның айтуынша, қазір автобустардың ең жоғары жылдамдығы сағатына 60 шақырым, ал қала сыртында сағатына 90 километр.