Ауғанстанда жергілікті радиостанция журналисін өлтіріп кетті

0

Ауғанстан шығысындағы Пактия провинциясында журналист Надир Шах Сахибзаданы белгісіз біреулер өлтіріп кетті. Бұл туралы 14 шілдеде жергілікті полиция хабарлады.

Radio Gardez компаниясы журналисінің денесі 13 шілдеде табылған. Жергілікті полиция басшысы Мохаммад Хосман Шанбаздың сөзінше, әзірге қылмыс тұрмыстық жанжал негізінде я журналистік қызметіне байланысты болғаны белгісіз. Бұл қылмысты әзірге ешкім мойнына алмаған.

Бұған дейін Ауғанстанда журналистерге «Талибан» қозғалысы және «Ислам мемлекеті» экстремистік ұйымы бірнеше рет шабуыл жасаған.

2018 жылы Ауғанстан журналистер үшін ең қауіпті ел деп танылған. Халықаралық «Журналистерді қорғау комитеті» құқыққорғау ұйымының мәліметінше, былтыр Ауғанстанда кәсіби қызметін орындау кезінде түрлі ақпарат құралының 13 өкілі көз жұмған.

Azattyq

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз