Атыстан соң Франция қауіпсіздікті күшейтті

Франция шығысындағы Страсбург қаласында сейсенбі кешке қарулы адам тұрғындарға оқ атып, бірнеше адам қаза тапты. Оннан астам адам жараланды. Францияның ішкі істер министрі Кристоф Кастанердің айтуынша, күдікті полицейлермен екі рет атысқан. Бірақ жасырынып үлгерген. Ішкі істер министрі Кристоф Кастанердің айтуынша, билік қалада қауіпсіздікке қатысты дабыл көтеріп, қоғамдық орындардағы қауіпсіздікті күшейткен. Тек Страсбургте ғана емес, елдің басқа қалалары мен шекара аумағында да бақылау күшейген.