Атыраулық әйел құрбысын пышақтап тастады
Атырау облысы Жылыой ауданында мас әйелдер жанжалдасып, бірі екіншісін пышақтап тастаған, деп хабарлайды kznews.kz сайты Stan.kz ақпарат агенттігіне сілтеме жасап.
39 жастағы әйел ауыл халде ауруханаға түскен. Оған операция жасалды.
«Науқастың жағдайы ауыр. Қазір жансақтау бөлімінде ем қабылдап жатыр», — дейді аудандық ауруханадан.
Оны пышақтаған 31 жастағы әйел қамауға алынды. Тергеу амалдары жалғасып жатыр.
Еске салсақ, осыған дейін Атырау облысында көпбалалы әйелді аяусыз өлтіріп тастағанын хабарлаған болатынбыз.
