Атырауда жолаушылар пойызы тоқтатылды

0

31 наурыздан бастап «Ақтөбе-Атырау» пойызының маршруты Доссор стансасына дейін қысқарады, ал 2 сәуірден Атырау – Шу пойызы тоқтайды

НҰР-СҰЛТАН, 30 наурыз – Sputnik. 1 сәуірден бастап Атырау стансасында барлық жолаушылар пойызының қозғалысы уақытша тоқтатылады, деп хабарлайды Sputnik Қазақстан «Жолаушылар тасымалы» АҚ баспасөз қызметіне сілтеме жасап.

30 наурыздан бастап қалада карантин жарияланды.

31 наурыздан бастап №692/691 «Ақтөбе-Атырау» пойызының маршруты Доссор стансасына дейін қысқарады.

1 сәуірден №313/314 «Атырау-Маңғыстау» және №47/48 «Атырау-Бурабай курорты» жолаушылар пойызы, ал 2 сәуірден №41/42 «Атырау-Шу» пойызының қозғалысы тоқтатылады.

«Атырауға дейін және одан шығатын пойыздарға билет сатып алған жолаушылар оны қайтарып, ақшасын толық көлемде ала алады», – делінген хабарламада.

Тағы оқыңыз: Қазақстандағы тағы бір қала карантинге жабылады

Атыраудың карантинге жабылуына байланысты автовокзал жұмысын уақытша тоқтатты. Ауданаралық, қалааралық және халықаралық рейстер тоқтатылған.

Азық-түлік базарлары, дүкендер, дәріханалар, коммуналдық және жөндеу қызметтері, тазарту және дезинфекция қызметтері бұрынғысынша жұмыс істей береді.

Соңғы мәлімет бойынша Атырау облысында коронавирус жұқтырған 12 адам тіркелген.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз