Home Жаңалықтар Атырауда жасөспірімдер кішкентай балаға оқ атқан

Атырауда жасөспірімдер кішкентай балаға оқ атқан

0
613

Атырауда жасөспірімдер кішкентай балаға травматикалық тапаншамен оқ атқан.

Оқиға 1 қыркүйекте сағат 20:00 шамасында болған. Баласына оқ атылғаны туралы атыраулық әйел полицияға шағымданған.

“Тексеру кезінде Атырау қаласының СМП-136 шағын ауданындағы №4 үйдің ауласынан 12 жасар екі жасөспірім анықталды. Жасөспірімдердің теріс қылығы үшін 5 ата-анадан жазбаша арызы алынды. Сондай-ақ, пластик оқ атылатын ойыншық тапаншалардың суық қаруға жататынын анықтау мақсатында сараптама тағайындалды», – делінген ПД хабарламасында.

Оқ атқан жасөспірімдердің ата-аналарына қатысты ҚР Әкімшілік құқықбұзушылық туралы кодексінің 127-бабының 1-бөлігімен (Кәмелетке толмаған адамды тәрбиелеу және (немесе) оларға білім беру, олардың құқықтарымен және мүдделерін қорғау жөніндегі міндеттерді орындамау) хаттама толтырылды.

Жинақталған іс құжаттары мамандандырылған кәмелетке толмағандар істері жөніндегі сотқа жолданады.