Атырау облысында дауыл шатырларды ұшырды

0

Өңірлер

Қысқа сілтеме алу

3 0 0

Куәгерлер әлеуметтік желіде Атырау облысындағы дауылдың видеосын жариялады. Ресми мәлімет бойынша құрбан болғандар мен зардап шеккендер жоқ

НҰР-СҰЛТАН, 17 мамыр – Sputnik. Дауыл Атырау облысының Құрманғазы ауданында бірқатар ғимараттардың шатырын ұшырған.

16 мамыр күні кешке аймақта қолайсыз ауа райы қалыптасып, желдің екпіні секундына тоғыз метрге жеткен. Куәгерлер суреттер мен видеоларды әлеуметтік желілерде жариялады.

Төтенше жағдайлар комитеті Құрманғазы мен Сафоновка ауылындағы мектептердің шатыры ұшқанын хабарлады.

Сондай-ақ, Байда ауылындағы шекара заставасы аумағындағы қазандықтың төбесі бұзылып, тәлімбақ зақымданған.


©
Photo : Комитет по ЧС МВД

Атырау облысындағы дауыл салдарынан қираған ғимарат шатыры

Ресми дерек бойынша құрбан болғандар мен зардап шеккендер жоқ.

Айта кетейік, бұған дейін Қазгидромет 17 мамыр күні Қазақстанның бірнеше аймағында жаңбыр жауып, қатты жел болады, деп хабарлаған.


©
Photo : Комитет по ЧС МВД

Қираған ғимарат шатыры

Ал Атырау облысында найзағай ойнап, жел күшейеді. Кей жерлерде бұршақты жаңбыр жауады деп болжанған.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз