Астананың қай үйлерінде лифтілер ауыстырылады

0

2018 жылғы 26 желтоқсан 19:00 48

Астананың қай үйлерінде лифтілер ауыстырылады

АСТАНА. ҚазАқпарат – 2019 жылы 10 қабатты тұрғын үй күрделі жөндеуден өткізіліп, 20 лифт ауыстырылады деп жоспарланып отыр, деп хабарлайды ҚазАқпарат қала әкімдігінің ресми сайтына сілтеме жасап.

Қазіргі уақытта қаланың көпқабатты тұрғын үйлерінде 4 910 лифт жұмыс істейді. «Ескi» қалада орнатылған лифтердің бiр бөлiгi 25 жыл бұрын орнатылған. Бұл рұқсат етiлген қызмет мерзiмiнен асып түседi.

«Көтеру механизмдерінің жұмысында өнеркәсіптік қауіпсіздікті қамтамасыз ету ережесіне» сәйкес өндіруші белгілеген қызмет мерзімі аяқталған лифті пайдалануға жол берілмейді. 90-шы жылдары салынған көптеген үйлерде Самарканд лифт зауытының жеделсатылары орнатылған. Бұл компания 1993 жылдан бері жұмысын тоқтатқан боалтын. Сәйкесінше, лифтілерге арналған қосалқы бөлшектер өндірілмейді», – деп атап өтті «Өркен Қала» ЖШС тұрғын үй-коммуналдық шаруашылықты жаңғырту бөлімінің басшысы Болат Түгелбаев.

Лифтердің қауіпсіз жұмысын қамтамасыз ету мақсатында осы жылдың қарашасында Астана мәслихатының ТҮЖ-да 12 лифт жабдығына 146,595 млн теңге бөлінді.

Лифт жабдықтары келесі мекенжайлар бойынша орнатылады: С.Сейфуллин көшесі, 35, Мұстафин көшесі, 15/2, Петров к-сі, 26/1, Ташенов көшесі 7/1, Қ.Мұңайтпасов көшесі, 20, Бараев көшесі, 10.

«Қазіргі уақытта «Астаналифтсервис НС» ЖШС және «Импортлифт КЗ» ЖШС мердігерлері барлық нысандарға лифт жабдықтарын орнатқан. Лифтілер заманауи қауіпсіздік стандарттарына сәйкес. Олардың қосымша опциялары бар. Ол – жаңартылған шкафтар, сұйық кристалды панельдер, дауыстық дабыл жүйелері, тежеу жүйесі», – деді Б.Түгелбаев.

«Өркен-Қала» ЖШС-нің «Аймақтарды 2020 жылға дейін дамыту бағдарламасы» шеңберінде қайтарылған қаражаты есебінен биыл 5 лифт жабдығы мына мекенжайлар бойынша орналасқан ғимараттарда ауыстырылды: Бөгенбай батыр даңғылы, 28, Петров көшесі, 20, Күмiсбеков, көшесi 6.

Ал Жангелдин көшесі,3 мекен-жайы бойынша орналасқан ғимаратта 3 құрылғыны ауыстыру жұмыстары жүргiзiлуде.

Сарыарқа ауданы әкімдігінің тапсырысы бойынша «Өркен-Қала» ЖШС бүгінгі таңда КҚТҮ-де орнату үшін тоғыз лифт жабдығын мына мекен-жайлар бойынша орнату қызметтерін көрсетуде: Аспара көшесі, 2б және Кубрин көшесі, 20/1. Нысандарды тапсыру мерзімі – 2019 жылдың қаңтар-ақпаны. 2019 жылы он көп қабатты тұрғын үй күрделі жөндеуден өткізіліп, 20 лифт жабдықтары ауыстырылады деп жоспарлануда. Қазіргі уақытта «Аймақтарды дамыту бағдарламасы» 2019 жылға қосу үшін КҚТҮ-дің тізімдері құрастырылып жатыр. Пәтер иелерінің және қызмет көрсетуші ұйымдардың бастамашыл топтарының үйіңізді күрделі жөндеуді, шатырды, инженерлік желілерді, қасбетті, лифт жабдықтарын ауыстыруды қажет ететін тұрғын үй тізіміне енгізгенін қаласаңыз, «Өркен қала» ЖШС-ға хабарласа аласыз. 

 

Дереккөз: https://www.inform.kz/kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз