Астанада жоғалып кеткен жасөспірім құдықтан өлі табылды
Астанада жоғалып кеткен 14 жастағы қыздың денесі кәріз құдығынан табылды.
2018 жылы 24 қарашада шамамен сағат 12-де қыз үйінен «Жастар» театрына шығып, кейін Жұмабаев көшесіндегі пиццерияға барған. Онда 17.30-ға дейін болған, ал кейін қыздың қайда кеткені белгісіз.
Жасөспірімнің қайтыс болғаны туралы ақпаратты ҚР ІІМ ТЖК баспасөз қызметі өкілдері растады. Қыздың денесі 25 қарашада Қошқарбаев пен Өзбек Әлі Жәнібек көшелерінің қиылысындағы беті ашық тұрған кәріз жүйесінен табылды. Оны шығаруға орталық аймақтық аэромобиль құтқару жасағының қызметкерлері қатысты.
