Астанада танымал қазақстандық суретшінің жеке көрмесі өтуде

0

2018 жылғы 14 желтоқсан 09:47 126

Астанада танымал қазақстандық суретшінің жеке көрмесі өтуде

АСТАНА. ҚазАқпарат – Әскери-тарихи мұражайда республикаға танымал суретші-кескіндемеші, ғалым, Қазақстанның суретшілер одағының мүшесі, тарих ғылымдарының кандидаты, ҚР мәдениет қайраткері Қалиолла Ахметжанның жеке көрмесі өтуде, деп хабарлайды ҚР Қорғаныс министрлігінің баспасөз қызметі.

Қалиолла Ахметжан – көптеген республикалық және шетелдік көрмелерге қатысқан. 

Суретшінің жұмыстары Қазақстан, Грузия, Ресейдің мұражайлары қорларында сақталуда. Көрмеде қазақ халқының тарихы, өнері, тыныс-тіршілігі көрініс тапқан. Картиналардан басқа қазақ халқы фольклоры мен қару-жарақ тарихы бойынша автордың ғылыми жұмыстары ұсынылған.

Көрменің мақсаты Ұлы даланың бай мифологиялық және фольклорлық құндылықтарын насихаттау. Көрменің мән-мағынасы Елбасының «Ұлы даланың жеті қыры» мақаласында айтылған идеялармен ұштасады.

Елорданың тұрғындары мен қонақтары көрмені күн сайын сағат 09.00-ден 18.00-ге дейін Астана қаласы Республика даңғылы 2 мекенжайында орналасқан Ұлттық әскери-патриоттық орталықтың Әскери-тарихи мұражайында тамашалай алады.

 

 

Дереккөз: https://www.inform.kz/kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз