Астанада Кәрім Мәсімовтің үйі саудаға қойылды

Астанада Кәрім Мәсімовтің Нұра ауданында, Ерейментау көшесі, 1 мекенжайында орналасқан жертөлесі бар тұрғын үйі аукционға қойылды.

Қайтарылған активтерді басқару компаниясы сатылымға шығарды.

Бастапқы бағасы – 1,8 млрд теңге, кепілдік жарнасы – 117,9 млн теңге. Сауда 25 ақпанда өтеді деп белгіленген.

Дәл осы үйдің суреттерін 2022 жылы ҰҚК экс-төраға Кәрім Мәсімов қамауға алынған кезде жариялаған еді. Тергеу барысында оның заңсыз иемденген бірнеше нысаны анықталған, солардың бірі — осы еңселі коттедж.