Астанада грэпплингтен Азия чемпионатына іріктеу басталды
![](https://kznews.kz/wp-content/uploads/2018/12/dff32a0864936b931817ad3752170c03_resize_w_600_h_315.jpg)
![](http://baq.kz/storage/df/dff32a0864936b931817ad3752170c03_resize_w_520_h_.jpg)
Астана, BAQ.KZ. 8-9 желтоқсан күндері Астана қаласындағы “Дәулет” спорт кешенінде ересектер және әйелдер арасында грэпплинг және грэплинг гиден Қазақстан Республикасының Кубогы өтеді.
Жарыстың басты себебі — алдағы жылы өтетін Азия чемпионатына іріктеу. Жеңімпаз атанған палуандар чемпиондық белбеуді иеленіп қоймай, ел намысын Ұлттық құрама сапында қорғауға мүмкіндік алады. Жарысқа еліміздің барлық аймақтарынан 500-ге жуық спортшы қатысады деп күтілуде. Айтулы дода ҚР Мәдениет және спорт министрлігі және Астана қаласының әкімдігінің қолдауымен ұйымдастырылады.
Айта кетейік, грэпплинг — дзюдо, самбо, джиу-джитсу, еркін, грек-рим және басқа да күрестің барлық стилін қамтитын жекпе-жектің бір түрі. Грэпплингтің артықшылығы — спортшылар екі секция бойынша күреседі. Еске салсақ, осы жылдың жазында елорда төрінде ересектер арасында грэпплингтен «QAZAQ BATYRY» атағы үшін 100-ден астам күресші бақ сынады. Сонымен қатар, “Astana OPEN” және алғаш рет “Asia OPEN” ашық халықаралық турнирлері ұйымдастырылды.
Одан бөлек, биыл 6-9 қыркүйек күндері Астанада тұңғыш рет грэпплингтен əлем чемпионаты өтті. Оған 30-тан астам мемлекеттен 1200 күресші қатысты. Еліміздің спортшылары жалпы командалық есепте ІІ орынды олжалады.
Біздің Telegram-парақшамызда Қазақстанның маңызды жаңалықтары. Жазылыңыздар!
Дереккөз: BAQ.KZ