Астанада алдағы үш күннің ауа райы белгілі болды

0
66

2018 жылғы 24 желтоқсан 10:12 115

Астанада алдағы үш күннің ауа райы белгілі болды

АСТАНА. ҚазАқпарат – Дүйсенбі мен сәрсенбі аралығында елордада -17 градус шамасында суық болады, деп хабарлайды ҚазАқпарат Астана әкімдігінің сайтына сілтеме жасап.

Қазгидрометтің мәліметінше, дүйсенбі, 24 желтоқсанда Қазақстанның бас қаласында күн райы құбылмалы болады, қар жаумайды. Солтүстік-шығыстан жылдамдығы 5-10 м/с жел соғады. Ауа температурасы түнде -26…-28 °С, күндіз -20…-22 °С.

«25 желтоқсанда көшпелі бұлт шығады, жауын-шашынсыз. Оңтүстік-шығыстан соғатын желдің екпіні 5-10 м/с жетеді. Сынап бағанасы түнде -30…-32 °С, күндіз -20…-22 °С көрсететін болады», – делінген синоптиктердің хабарламасында.

Сәрсенбі, 26 желтоқсанда да көшпелі бұлт шығады, жауын-шашынсыз. Оңтүстік-шығыстан соғатын желдің жылдамдығы 5-10 м/с жетеді. Ауа температурасы -27…-29 °С, күндіз -17…-19 °С құрамақ.

Дереккөз: https://www.inform.kz/kz