«Астана» велошабандозы жол апатына түсті
Ол құрбысымен бірге апатқа түскен, қызға ота жасалуы керек.
«Астана» велошабандозы Омар Фраиле жол апатына түсті. Омар Фраиле мен оның құрбысы жексенбі күні Испанияда жол апатына ұшыраған. Олардың өміріне ешқандай қауіп төніп тұрған жоқ, бірақ екеуі де жарақат алды. Фраиленің қабырғасы шытынаған. Ал қыздың қабырғасы сынып, омыртқасына зақым келгендіктен, ота жасалуы тиіс.
Омар Фраиле — 28 жастағы испан кәсіби шоссе велошабандозы, қазір Astana Pro Team командасы құрамында. Ол ірі веложарыстарға қатысып, «Джиро д’Италия» кезеңдерінің бірінде, сондай-ақ «Тур де Франс» және басқа кезеңдерде жеңімпаз атанған. Велокомагданың ресми порталында хабарланғандай, «Омар – көпкүндік жарыстарға қатысуға әлеуеті жоғары шабандоз».
Дереккөз: Sputnik
