Асхат Аймағамбетов Әліппені қайтару керек деп есептейміз

0
93

Қоғам

Қысқа сілтеме алу

1 0 0

«Әліппе» Ахмет Байтұрсыновтың қазақ тіліне бейімделген әдістемесі негізінде енгізіледі

НҰР-СҰЛТАН, 16 тамыз – Sputnik. Қазақстан мектептеріне әліппе қайтарылады. Бұл туралы бүгін білім және ғылым министрі Асхат Аймағамбетов мәлімдеді, деп хабарлайды Sputnik Қазақстан тілшісі.

Тағы оқыңыз: Тоқаев үштілділікке қатысты маңызды мәлімдеме жасады

«Ұстаздар болсын, ата-аналар болсын көптен әліппе мәселесін көтеріп жүр. Бұл мәселе өте маңызды. Біз Әліппені қайтару керек деп есептейміз. Ол 2021 жылы, өздеріңізге жақсы таныс, қазақ тіліне бейімделген Ахмет Байұрсыновтың әдістемесі негізінде енгізілетін болады», – деді министр тамыз конференциясында.

Министр қазір осы бағытта жұмыс жүргізіліп жатқанын атап өтті.

«Әліппе сынақ өткізетін алаң емес. Бізде нақты қазақ тіліне бейімделген әдістеме бар. Ол Ахмет Байтұрсыновтың әдістемесі. Сондықтан ештеңені ойдан шығармай, осы әдістеме негізінде жұмыс жүргіземіз», -деді ведомство басшысы.



sputniknews.kz