Арландар қош айтысты: Астаналық әйгілі бокс клубы тарап кетті — новости Казахстана
«Astana Arlans» бокс клубы таратылады. Бұл туралы бүгін есеп беру конференциясында Қазақстан бокс федерациясы ұйымының вице-президенті Данияр Әбілғазин мәлімдеді деп хабарлайды Vesti.kz.
«Астана арланс». Фото/архив: Клубтың жеке сайты
«Бұл жобадан шығу туралы шешім қабылдадық. Келесі маусымнан бастап бұл жарысқа қатыспаймыз», — деді ол жиын кезінде.
«Astana Arlans» WSB жобасындағы ең нәтижелі командалардың бірі болған. 2012/2013, 2014/2015 және 2017 жылдары жарыс жеңімпазы атанды.
Еліміздегі ең мықты боксшылар да осы жоба аясындағы жекпе-жектерде бақ тәжірибе жинап, шеберлігін шыңдаған.
Айта кетейік, Бүкіләлемдік бокс сериясы (WSB) соңғы жылдары тоқырап келеді. Көп командалар бірер маусым ғана қатысып, кейіннен жарысқа қатысудан бас тарта бастады.
