«Арабқа тиіп ал»: Индира Расылхан көпшілікке назын айтып, ағыл-тегіл жылады

Күні кеше өнерден біржола кеткенін айтып, ел күтпеген мәлімдеме жасаған Индира Расылхан көпшілікке өкпесі қара қазандай екенін айтып, ренішін жеткізді. Бұл туралы Kznews.kz ақпарат агенттігі хабарлайды.

Желі қолданушыларының бірі Индира Расылханның парақшасында көңілге тиетіндей жағымсыз пікір қалдырған.

Осы албастыларды көрсем жыным келеді. Неге қазақтың киімін кимейсіңдер? Олай болса ақшасы көп арабқа тиіп ал. Солардың қатыны бол, бәрібір байсыз жүрсің ғой”, – деп жазған екені желі қолданушысы.

Индира Расылхан бұл сөздерге көзіне жас алмай жауап бере алмады.

“Сөзім жоқ шынымен…Мен осындай комментарийден  шаршадым. Сіздер неге бір сәтке “Мен кімнің ақысына кіріп жатырмын? Адамның ақысына кіріп жатырмын ғой. Ертең Алланың алдында жауап беремін ғой. Олардың істеп жатқаны дұрыс шығар? Бәлкім орамалға келу керек шығар? Алланы тануым керек шығар?” деп сәл ойламайсыздар? Менің қандай күйде жүргенімді білмейсіздер. Мен орамалды жәй ғана тағып кете салған жоқпын. Қанша түндерде жасаған дұғаларым бар, Алладан сұрағаным бар. Сол нәрсені адам деген түсіну керек. Адамның хақысына кірмеңіздерші, өтініш. Менің де көңілім бар, әр адамның көңілі бар. Көңілге кірер кезде ойлану керек. “Алланың алдына барғанда не деп жауап беремін?” деген сұрақтарыңызды бірінші тұрсыншы”, – деп Индира Расылхан көз жасын тыя алмай өтініш жасады.

Оның бұл видеосынан кейін желі қоданушыларының пікірі екіге бөлінді. Бірі қолдау көрсетсе, енді бірі бұл әрекетін көпшілікке жария етуі дұрыс емес екенін айтты.

“Сендерді олардың сөздері қайғыртпасын” деген аят бар, “Орамал таққан соң, оның артында сынағы бар”, “Ешкімге ештеңе түсіндіруге міндетті емессіз”, “Әдемілеп кимешек тіктіріп кисеңші, өтірік мүләйімсімей”, “Имандылық жүректе”, “Шын жалаған адам оңаша, ешкімге көрсетпей, Алладан сұрап жылайды”, “Орамал тақсаң өзің үшін тағасың”, “Жылап видео салмаңдаршы”, – деп пікір қалдырды желідегілер.