«Ақырзаманның киносы сияқты»: Лос-Анджелесте тұратын қазақ қаладағы зұлмат өрттің видеосын көрсетті
Өрттен 5 адам қаза тауып, мыңдаған адам қауіпсіз жерге эвакуацияланған
Американың Лос-Анджелес қаласында тұратын қазақ жігіті Диас Мырзәлиев үйлері қызыл жалынға оранса да оқиға орнынан кетпеген адамдарды видеоға түсіріп алған, деп хабарлайды Kznews.kz.
Айта кетейік, бірнеше күннен бері Лос-Анджелес қаласында табиғи өрт өршіп тұр.Өрттен 5 адам қаза тапты, 137 мың адам қауіпсіз жерге көшірілді, АҚШ-тағы ең қымбат деген ғимараттар өртеніп кеткен.
Диас Мырзәлиев үйлеріндегі өртті өздері сөндіріп алуға тырысқан адамдардың видеосын жариялап, қаладағы қорқынышты оқиғаны баяндаған.
«Бір жігіт үйіндегі өртті өзі сөндіруге тырысып жатыр. Қаланың қазіргі келбетінен адам шошиды. Ақырзаман туралы фильмдердің көрінісі көз алдымызға келіп жатыр: аспан қызарып, от алдынан шыққанның бәрін шарпып жатыр», — деп жазған ол.
Диас Мырзәлиевтің айтуынша, оқиға орнында өрт сөндірушілердің күші жетпей жатыр.
