Ақылы бөлімге оқуға түсетіндер ҰБТ тапсыруға өтініш беріп жатыр
2018 жылғы 7 желтоқсан 13:53 262
АСТАНА. ҚазАқпарат — Жоғары оқу орнының ақылы бөліміне түсетіндер үшін ҰБТ-ға өтініш қабылдау басталды, деп хабарлайды ҚазАқпарат. Бұл туралы ҚР Білім және ғылым министрлігінің Facebook-тегі ресми парақшасында айтылды.
«Өтініштер 1 және 15 желтоқсан аралығында қабылданады. Тестілеу 15 және 20 қаңтар аралығында өткізіледі» делінген жазбада.
Ал грант тағайындау конкурсына қатысу үшін ҰБТ-ны әдеттегідей маусым айында тапсыру керек.
Толық мәліметті Ұлттық тестілеу орталығының testcenter.kz сайтынан біле аласыздар.
