Ақтөбеде жаттықтырушы мен балалар жол апатына түсті

0

Ақтөбеде жантүршіктірер оқиға болды. Ішінде жаттықтырушы мен балалар болған көлік жол апатына ұшырады, деп хабарлайды Ulysmedia.kz.

Полиция мәліметінше, бір бала қайтыс болған. Оқиға 17 желтоқсанда Ақтөбе-Болгарка-Шұбарқұдық тасжолының 68 шақырымында болған. Темір ауданының 32 жастағы тұрғыны басқарған Toyota Estima автокөлігі аударылып кеткен.

Автокөлік ішінде 11 адам, оның ішінде 2010-2011 жылдары туған 9 бала болды. Олар Шұбарқұдық ауылынан Ақтөбе қаласына волейболдан жарысқа қатысу үшін шыққан.
Салдарынан бір бала жол-көлік оқиғасы болған жерде көз жұмды, қалған 8 бала Ақтөбе қаласындағы Облыстық балалар ауруханасына жеткізілді.

«Құрметті азаматтар, ҚР Индустрия және инфрасқұрылымдық даму министрлігінің «Автомобиль көлігімен жолаушылар мен багажды тасымалдау қағидаларын бекіту туралы» 2015 жылғы 26 наурыздағы №349 бұйрығына сәйкес балаларды тасымалдау кезінде полиция қызметкерлерінің ілесіп жүруі үшін белгіленген мерзімге дейін 3 тәулік бұрын сұраныс ұсынылуы қажет», — деп екертті Ақтөбе облысы ПД ЖПҚБ бастығының орынбасары Айдос Кулжанов.