Ақтөбеде мас полицей көлікпен қағып кеткен ерлі-зайыптылар қаза болды
![](https://kznews.kz/wp-content/uploads/2024/07/66a3300b84495464662724-905x613.jpeg)
Ақтөбе облысында 34 жастағы полиция қызметкері мас күйінде көлік айдап, ерлі-зайыптыларды қағып өлтірді, деп хабарлайды Kznews.kz.
Azattyq Rýhy тілшісіне Ақтөбе облысының полиция департаменті бұл оқиғаны растады.
«Дереккөзге сүйенсек, полиция қызметкері тойдан кейін мас күйінде көлік тізгініне отырған. Рульге ие бола алмаған ол 25 және 26 жастағы екі адамды қағып кеткен. Өкінішке қарай, ерлі-зайыптылар қаза тапқан», — делілнген хабарламада.
Полиция қызметкері әуел баста оқиға орнынан қашып кетіп, артынан өзі берілген деген ақпарат бар. Қазір жол апатына кінәлі адам қамалып, оның тікелей басшысы болған бірнеше адам жұмысынан қуылғаны белгілі.