Ақтөбеде ер адам биіктен секіріп, өзіне қол салмақшы болды (видео) — Қазақстан жаңалықтары

Ақтөбеде 41 жастағы ер азамат биіктен секіріп, өзіне қол салмақшы болған, деп хабарлайды Stan.kz ақпарат агенттігі Polisia.kz порталына сілтеме жaсап. 

«Сағат 16:43-те “102” пультіне Білге қаған көшесіндегі үйдің тұрғындарынан төртінші қабаттың балконынан ер адам секіріп кетпекші болып тұрғаны туралы қоңырау келіп түсті. Ақтөбе облысы ПД жедел басқару орталығының қызметкерлері осы ауданда болған патрульдік нарядқа хабарлама берді. Оқиға орнына екі топ патрульдік наряд келіп жетті», —  делінген ресми хабарламада.

Осылайша көрші пәтердің барконы арқылы үйге кірген әскери қызметкерлер ер адамды құтқарып қалды. Ол облыстық наркологиялық диспансерге алғашқы көмек көрсету үшін жеткізілді.

https://www.youtube.com/watch?v=QFRimw82LRA