Ақтөбеде анасы мен баласын өлтірді деген күдікті тергеу изоляторында өз-өзіне қол жұмсады

0

Ақтөбеде ана мен бала өлтірілді деген хабар қазақтарды дүр сілкіндірді. Сонымен қатар марқұмның қызы пышақ жарақатымен ауруханаға түскен. Бүгін, 1 мамырда тергеу изоляторында кісі өлтірді деген күдікті азаматтың өз-өзіне қол жұмсағаны белгілі болды, деп хабарлайды kznews.kz сайты.

Ақпаратты ҚР ІІМ Қылмыстық-атқару жүйесі комитетінде растады.

«Күдіктіні түнде мекеме қызметкерлері анықтады. Кезекші ауысым дереу алғашқы медициналық көмек көрсетті. Қолданылған шараларға қарамастан тергеудегі адамды аман алып қалу мүмкін болмады. Оқиға орнына жеткен жедел жәрдем бригадасы тергеу жүргізіліп жатқан адамның өлімін растады».

Ведомствоның мәліметінше, оқиға 29 сәуірде болған.

«Оқиға орнына жедел-тергеу тобы келді. Оқиға ТЖҚБ тіркелді, ҚР Қылмыстық кодексінің 105-бабы («Өзін-өзі өлтіруге итермелеу») бойынша сотқа дейінгі тергеу басталды,  — КУИС баспасөз қызметі

Сондай-ақ комитет қазіргі уақытта Ақтөбе облысы бойынша Қылмыстық-атқару жүйесі департаментінің қызметкерлері «ішкі аудит тағайындап, оның қорытындысы бойынша қолданыстағы заңнамаға сәйкес шаралар қолданылатынын» хабарлады.

2023 жылдың 29 наурызында Ақтөбедегі тұрғын үйдің пәтерлерінің бірінде 35 жастағы әйел мен оның 16 жасар ұлы өлі күйінде табылып, марқұмның 13 жасар қызы ауруханаға жеткізілді. Аталған факті бойынша ҚР Қылмыстық кодексінің 99 бабының 3-бөлігі бойынша сотқа дейінгі тергеу басталды. («Адам өлтіру»)

11 сәуірде Ақтөбеде қос кісі өлтірді деген күдіктінің ұсталғаны белгілі болды. Тәртіп сақшылары қылмысын мойындаған 23 жастағы жергілікті тұрғынды ұстады. Ер адам қамауға алынды.