Ақтөбе облысында полиция полковнигі ұсталған сәттің видеосы жарияланды
Қысқа сілтеме алу
Полиция полковнигі жұмысқа орналасуға көмектескені үшін Ақтөбе тұрғынынан 400 мың теңге сомасында пара алған
НҰР-СҰЛТАН, 27 қыркүйек — Sputnik. Ақтөбе облысы мамандандырылған күзет қызметі басқармасы бастығының орынбасары пара алды деген күдікке ілінді.
Ақтөбе облысы бойынша сыбайлас жемқорлыққа қарсы қызмет қылмыстық істі тергеп жатыр. Облыстық мамандандырылған күзет қызметі басқармасы бастығының орынбасары, полиция полковнигі пара алды деп айыпталып отыр.
Лауазымды тұлға жұмысқа орналасуға көмектескені үшін облыс тұрғынынан 400 000 теңге сомасында пара алған. Осы ақшаны әйелге қайтарып жатқан кезде полковник ұсталды.
Қазіргі уақытта сотқа дейінгі тергеу жүріп жатыр. Күдіктінің кінәсінің деңгейін сот анықтап, тиісті шешім қабылдайтын болады.
sputniknews.kz
