Ақтөбе облысында бір адам коронавирус жұқтырғаны анықталды

Тағы бір адам коронавирус инфекциясын жұқтырды, науқас Ақтөбе облысында, деп хабарлады денсаулық сақтау министрлігі

НҰР-СҰЛТАН, 22 наурыз — Sputnik. Ақтөбе облысында бір адам коронавирус жұқтырды.

«Коронавирус індетін жұқтырған тағы 1 адам Ақтөбе облысында тіркелді. Осы сағатта Нұр-Сұлтан қаласы бойынша 31 адам, Алматы қаласында – 23 адам, Қарағанды қаласында — 2, Алматы облысында — 1 адам, Ақтөбе облысында — 1 адам, жалпы 58 науқас тіркелді», — деп жазылған денсаулық сақтау министрлігінің хабарламасында. 

Коронавирус эпидемиясы

Мемлекет басшысы Қасым-Жомарт Тоқаевтың тапсырмасымен 16 наурызда Қазақстанда төтенше жағдай жарияланды. Ол отыз тәулікке жалғасады. 19 наурызда Алматы мен Нұр-Сұлтан қаласы карантинге жабылды.

Коронавирустың он ошағы: Алматы әкімдігі мекенжайды жариялады

Карантин енгізілуіне байланысты ірі сауда және ойын-сауық орталықтары, мәдениет, тамақтану және қызмет көрсету орталықтары уақытша жабылды.