Ақтаулық қыз Қазақстан атынан Miss Asia Russia-2018 байқауына қатысады — Мәнер

0

Ақтаулық Жәмила Нұрәлиева «Толеранттық аруы» титулына ие болып, «Азия аруы Санкт-Петербург-2018» байқауының қорытындысы бойынша ең сұлу арулардың үштігіне кірді. Енді ол Қазақстан атынан Miss Asia Russia-2018 байқауына қатысады, — деп хабарлайды Tengrinews.kz тілшісі «ЛАДА» порталына сілтеме жасап.

16 қарашада финалы өткен «Азия аруы Санкт-Петербург-2018» байқауының қорытындысы бойынша, Жәмила Нұрәлиева Miss Asia Russia-2018 байқауына Қазақстанның атынан қатысатын жалғыз ару.

Жәмиланың айтуынша, ол бұл байқауда жалғыз қазақ қыз болған. «Тағы бір қазақ қыз бар, бірақ ол байқауға Түмен қаласының атынан шығады. Байқауға қатысатындардың басым бөлігі Ресейде тұратындықтан, олар өздері тұратын қаланың намысын қорғайды. Мен сияқты, Ресейдің азаматшасы еместер өз ұлтының атынан шығады. Біздің елден шығатын мен ғанамын», — деді Жәмила Нұрәлиева.

Жәмила Нұрәлиеваға мына жерде дауыс беруге болады. Miss Asia Russia-2018 байқауының финалы 30 қарашада өтеді.