АҚШ-та шамамен бірнеше мыңға жуық қазақстандық заңсыз жүр — СІМ

Қазақстанның Сыртқы істер министрлігі АҚШ-та заңсыз жүрген қазақстандықтарға қатысты тағы да түсінік берді.

— Біздің ресми дерек бойынша АҚШ-та 3600-ге жуық Қазақстан азаматы тұр. Олар консулдықта ресми есепке тұрған, олардың құжаты дұрыс. Ал заңсыз жүргенде келсек, логикалық тұрғыда олардың санын біз білмейміз, себебі олар заңсыз жүр. Шамамен 100-ден бірнеше мың адамға дейін болуы мүмкін. Депортация — кез келген елдің көші-қон қызметінің заңды әрі қалыпты шарасы. Егер адам көші-қон заңын бұзса, ол депортациялауға жатады, — деді министрліктің ресми өкілі Айбек Смадияров БАҚ өкілдерінің сауалына жауап бере тұрып.
Сондай-ақ Сыртқы істер министрлігінің ресми өкілі АҚШ-та заңсыз жүрген қазақстандықтарға кеңес берді.

— Біздің заңсыз барған азаматтарға бір ғана кеңес, АҚШ аумағынан шыққандарыңыз дұрыс болады. Сіз егер көші-қон полициясының қолына түссеңіздер, ол ел аумағына кіруге тыйым салынады. Дұрысы Қазақстанға келіп, визаға немесе грин-картаға заңды түрде құжат тапсыру қажет, — деді ол.
Жыл басында Дональд Трамптың миграциялық саясаты Қазақстанға қалай әсер ететіні туралы жазған едік.

Қаңтардың соңында еліміздің Сыртқы істер министрлігі Қазақстан азаматтарын АҚШ-тан шығарып жіберу туралы ақпараттың жоқтығын хабарлады.