АҚШ Ауғанстаннан 90% әскерін шығарды

0
209

АҚШ Орталық қолбасшылығының алдын-ала бағалауы бойынша, Америка Құрама Штаттары Ауғанстаннан әскерлерін шығаруды 90%-ға дейін жүзеге асырып болды. Бұл туралы АҚШ-тың  Орталық қолбасшылығының баспасөз қызметі 6 шілдеде хабарлады.

Шығарылымда 5 шілдеде таңертеңгі жағдай бойынша Америка Құрама Штаттары Ауғанстаннан әскери заттарын алып тастады, оның көлемі 984 Boeing C-17 әскери-көлік ұшағына тең. Қорғаныс логистикалық агенттігі 17 074 жабдық алды, оның көп бөлігі федералдық артық жеке мүлік болып табылады.

«Бұл жабдықтың көп бөлігі қорғаныс құралдарына жатпайды және негізгі құрал болып саналмайды», – деді командование. Америка Құрама Штаттары да Ауғанстанның Қорғаныс министрлігіне жеті әскери нысанды тапсырды. Вашингтон 2001 жылғы 11 қыркүйектегі шабуылдардан кейін Ауғанстанға әскерлерін қосты.

Бұл шешімді АҚШ-тың жақын одақтастары қолдады. Ресми түрде жарияланған соғыстың мақсаты Аль-Каиданың әскери құрылымын жою және Кабулда Талибанды билік басынан кетіру арқылы осы террористік ұйымды Ауғанстандағы позицияларынан айыру болды. Қазір Талибан Ауғанстан территориясының жартысынан астамын бақылайды.

АҚШ пен радикалды «Талибан» қозғалысының өкілдері 2020 жылдың 29 ақпанында бейбітшілік келісіміне қол қойды, оған қол қойылғаннан кейін 18 ай ішінде шетелдік әскерлерді Ауғанстаннан шығаруды қарастырады. 2021 жылдың 1 мамыры – құжатта белгіленген мерзім.

25 наурызда АҚШ президенті Джо Байден «әртүрлі тактикалық себептермен» Талибанмен келісілген мерзімде Америка Құрама Штаттары өзінің әскери күшін Ауғанстаннан шығара алмайтынын айтты. Америка Құрама Штаттары әскерін сәуір айында шығара бастады. 2011 жылы Аль-Каида лидері Усама бен Ладен өлтірілгеннен кейін, АҚШ-тың Ауғанстандағы әскери құрамы «күн өткен сайын түсініксіз болып барады», деді Байден.

Reuters агенттігінің хабарлауынша, АҚШ әскерлері 11 қыркүйекке дейін шығарылады деп жоспарланған және Ақ үй спикері Джен Псаки бұл тамыз айының соңына дейін болады деп күтеді. Пентагонның мәліметі бойынша, Ауғанстанда соңғы шығарылғанға дейін шамамен 2 500 американдық әскер болған. 2001 жылы Ауғанстанда 98 мың американдық әскері болды.

Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты