Ақмола облысында жолда бір арқанға жармасқан адамдар видеоға түсіп қалды

0

Ақмола облысының Ерейментау ауданында қар құрсауында қалып қойған жиырма шақты адам арқанның көмегімен құтқарылды

«Олар дін аман. Ешбірі де медициналық көмекке жүгінбеген. Жолаушылар Ерейментаудағы жылыту бекетіне жеткізілді», – деп хабарлады төтенше жағдайлар комитетінің баспасөз қызметі.

Ерейментау–Торғай тасжолымен жүріп келе жатқан 20 көлік Ерейментау қаласына 10 шақырым жетпей, қар құрсауында қалып қойған. Ол жерде жиырмаға жуық адамдар болған.

Тағы оқыңыз: «Бізді жамандай бермеңдер»: Татьяна қар тазалаушылардың жанайқайын жеткізді – видео

Қарға батқан көліктер мен эвакуациялауға жұмылдырылған арнайы техникаға дейін адамдар арқаннан ұстап жеткен. Боранның күшті болғаны соншалық, жол көрінбей кеткен. Құтқарушылар қар құрсауында қалғандарды осындай әдіспен аман алып шығып, қауіпсіз жерге жеткізді.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз