Әнуар Нұрпейісов табылды

0

Бір айға жуық уақыт бойы әлеуметтік желіге шықпаған актер жазба жариялады

Актер Әнуар Нұрпейісовті әлеуметтік желідегі оқырмандары үш апта бойы іздеген болатын.

Нұрпейісов 2019 жылдың 4 маусымынан бастап хабарсыз кетті. Дәл осы уақытта желіде актер ұйымдастырған #Менояндым флешмобы тарала бастаған еді. Сайлау қарсаңында жарияланған видеода танымал жастар Қазақстанда нені өзгерту керектігін айтады.

«Мен дін аманмын. Алайда екі адам болмағанда бәрі мүлдем басқаша болар еді. Оларға 5 маусым күні кешке көрсеткен көмектері үшін алғысымды білдіремін. Мен қазір Қазақстандағы қауіпсіз жердемін. Оның қайда екенін жақындарым да білмейді. Менің қайда екенімді туыстарым арқылы анықтағысы келетіндерге бұдан түк шықпайды деп айтамын», — деп жазды Нұрпейісов.

Ол 5 маусым күні не болғанын кейінірек айтатынын жеткізді.

sputniknews.kz


Тегтер:актер