Әнші Төреғали Төреәлінің не үшін Қызылордаға көшіп кеткені белгілі болды
Бұл туралы әншінің әйелі Толқын Тұрарбекқызы айтты, деп хабарлайды KZNEWS сайты Massaget.kz порталына сілтеме жасап.
«Сіздерге бір арманым туралы айтқым келеді. Кәусар дүниеге келгелі біз Қытай елінде бес жасына дейін емделіп жүрдік. Шынымды айтсам, ол өте ауыр күндер. Ем алудың қиындықтарынан бөлек, тамағы, тұратын жері, бәрі оңайға соқпайтын. Ал тоқтаусыз емді қажет ететін балаларымыз үшін қашанғы үйіізді сағынып, жырақта жүре аламыз дейсіз?», — дейді Толқын.
Сол кезде Толқын елімізден балаларға арналған емдеу орталығын ашқысы келген екен.
«Алланың қалауымен 1-2 рет Алматыдан орталық ашамыз деп ниеттендік, бірақ нәтижесіз болды. Одан қатты көңіл-күйім түсіп жүргенмін. Ал қазір Алланың даналығын түсініп, көзіме еріксіз жас келді. Қызылорда қаласына Алланың қалауымен Кәусарымызды емдеуге көшіп келдік. Мен орталық ашуды қалап жүргенде, Алла ол орталықты көзімізге көрсетіп, сол орталықтан нәтиже беріп жатыр», — дейді Толқын.
