Әнші Сәкен Майғазиев қызметінен кетті
Сәкен Майғазиев «Шымкент қалалық мәдениет үйі» концерттік ұйымы» МКҚК директоры қызметінен өз еркімен босатылды.
Шымкент қалалық мәдениет, тілдерді дамыту және архивтер басқармасының Instagram желісіндегі shymkent_culture парақшасында Майғазиевтің мұндай шешім қабыладауын шығармашылық жұмыстарының көбейуі себеп болғанымен түсіндіріпті.
Шымкент қалалық мәдениет үйі Шәмші әндерінің концерті үшін ЦиMediaGroup деп аталатын ИП-мен 60 млн теңгеге келісімшарт жасасыпты. Майғазиев директор болып тұрғанда. Тендерді бір көзден алған компанияның мемлекеттік тіркеуден өткен күні — 2021 жылдың 14 шілдесі (Мемсатыпалу порталының мәліметі). Ал Шәмші әндеренің концерті үшін келісімшарт процесі басталған күн — 16 шілде. Демек, Шымкент қалалық мәдениет үйі тіркелгеніне екі-ақ күн болған компанияға 60 млн теңгелік тендер берген.
Бұл туралы журналист Мият Кәшібай жазды.
