Amre «Ресей дауысы» шоуының келесі кезеңіне өтті (ВИДЕО)
Amre сахналық атымен танымал қазақстандық әнші Ернар Садырбаев ресейлік «Голос» шоуының оныншы маусымының кезекті кезеңінен сәтті өтті, — деп хабарлайды Tengrinews.kz тілшісі.
Ән соңында тәлімгерлер үш қатысушының әрқайсына баға берді.
«Ернар бұл музыканы жақсы орындап шықты. Сізді тыңдау өте жағымды, рақмет», — деді Леонид Агутин.
«Бочелли туралы айтсам. Карьерасын енді ғана бастаған, әлі жетілмеген вокалистің нұсқасын тыңдау өте қиын. Ноталардың барлығына дерлік жақсы түстің. Бірақ бұл туындыда сіз Бочелли немесе Паваротти я басқа біреу болуыңыз керек, бірақ әзірге өте әдемі және дәл шырқадыңыз, бірақ студенттік акцент бар», — деді Александр Градский.
Нәтижесінде тәлімгер Дима Билан үштіктің арасынан қазақстандықты таңдады.
