Алтай Көлгінов Біріккен Араб Әмірлігіне не үшін барғанын айтты – новости Казахстана

0
113

Facebook қолданушысы Тоғжан Қожалиева БҚО әкімі Алтай Көлгіновтің Біріккен Араб Әмірлігіне барғаны жайлы пост жазды. Оның сөзінше, бұл уақытта Абу-Дабиде «Формулы-1» жарысы өтіп жатқан деп хабарлайды NUR.KZ.

Алтай Көлгінов. Фото:qamshy.kz

Алтай Көлгінов. Фото:qamshy.kz

Алайда бірнеше сағаттан кейін шенеунік бұған қатысты өз жауабын берді. Айтуынша, ол Қарашаған жобасын басқару бойынша комитеттің отырысына қатысқанын және 20 млн долларға қосымша облыс үшін 10 миллион доллар инвестиция құйдыруға қол жеткізгенін атап өтті.

«Мені ешқандай да мәдени іс-шараға апарған жоқ. Біз облысымыздың дамуы үшін маңызды мәселені талқыладық. Ашықтық пен қолжетімділік біздің артықшылығымыз. Сондықтан біз өз жоспарларымыз жайлы ашық айтамыз. Қазіргі уақытта барлық сұрақтар шешілді және облыс өте жақсы жобаға қол жеткізді», – деп түсіндірді Көлгінов орталық коммуникациялар қызметінде журналистерге.

Сонымен қатар БҚО әкімінің баспасөз қызметі әкім БАӘ-ға мұнай компаниясының есебінен барды дегенді де жоққа шығарды.